A partir do vindeiro luns 24 de xaneiro a concesionaria recupera os horarios habituais nas liñas 9A e 10
A partir do vindeiro luns 24 de xaneiro de 2022 Vitrasa recupera os horarios habituais nas liñas 9A e 10. Estas reposicións súmanse ás realizadas de forma gradual nas últimas semanas.
Estes desaxustes, argumentan desde a concesionaria, foron producidos por diferentes factores, entre os que se atoparon as consecuencias da sexta onda da Covid. «A empresa continúa a realizar grandes esforzos operativos e de recursos humanos que, sumados ao decrecemento da sexta onda e a recuperación do tráfico fluído no centro da cidade, fan que se poida volver paulatinamente a un servizo de transporte urbano normalizado», subliñan.
Neste marco, a compañía pide «desculpas aos usuarios polas molestias que esta situación poida ocasionar á cidadanía e manifesta que se están realizando todos os esforzos posibles para recuperar o servizo ordinario canto antes. Todas as actualizacións iranse comunicando a través dos canles habituais de información».