El proyecto SPARC situará a la ciudad a la vanguardia europea de la soberanía tecnológica y la industria digital
Vigo deu este venres un paso histórico coa colocación da primeira pedra da planta de semiconductores fotónicos do proxecto SPARC, que converterá á cidade na primeira sede de España cunha fábrica deste tipo. A instalación, promovida no Parque Tecnolóxico e Loxístico, prevé iniciar a produción de obleas en 2027, cunha capacidade de ata 20.000 unidades anuais.
O acto contou coa presenza do ministro para a Transformación Dixital, o alcalde de Vigo e responsables institucionais e empresariais, que coincidiron en sinalar o carácter estratéxico do proxecto. A planta xerará máis de 200 empregos directos altamente cualificados e actuará como tractor dun novo ecosistema industrial vinculado á fotónica.
SPARC nace como unha aposta pola reindustrialización, a colaboración público-privada e a soberanía tecnolóxica europea, cun forte vínculo coa investigación universitaria e coa economía do coñecemento. Desde a Zona Franca subliñan que este proxecto redefine o futuro produtivo de Vigo e reforza o seu peso no mapa tecnolóxico continental.