Abel Caballero presentou esta mañá o II Desafío Audiovisual Illas Cíes, unha iniciativa que levará ás illas do 19 ao 22 de setembro a dez equipos de artistas que reflectirán distintas visións do arquipélago nos seus traballos fotográficos e de vídeo
Os dez grupos que foron seleccionados nesta II edición viaxarán este domingo ás illas para desenvolver alí os seus proxectos de fotografía e vídeo. “A primeira edición foi todo un éxito pola calidade dos proxectos que crearon, por iso estamos encantados de dar a benvida a esta segunda edición e seguir divulgando as Cíes mediante o audiovisual”, afirma o rexedor.
Por outra banda, o Concello ten en marcha o I Certame de Arte Urbana Cíes Talent, no que participan sete persoas vinculadas ao grafiti que realizarán as súas obras nas fachadas públicas da cidade. Os seleccionados son: Rubén Paz (Lugo), Felipe Zúñiga (México), David Brey (A Coruña), Etiene Vigier (Gondomar), Adrián Lomba (Vigo), Moisés Vargas (Chile) y Alejandro Pajuelo (Extremadura).
O alcalde anunciou tamén que o 15 de outubro celebrarán o evento Cíes Talent Meeting, no que se reunirán todos os artistas que envorcaron o seu talento nestas iniciativas. O cartel deste evento foi realizado polo artista portugués Elio, que ten máis de 400.000 seguidores en redes sociais.