O DOG publica hoxe a resolución da convocatoria pública pola que se nomea aos xefes de servizo de Lavadores, Casco vello, Beiramar, A Cañiza , Ponteareas, e Sárdoma
O Diario Oficial de Galicia publica, na súa edición de hoxe, a resolución da Xerencia da Área Sanitaria de Vigo pola que se resolve a convocatoria pública para a provisión de varios postos de xefe/a de servizo de Atención primaria .
Neste senso, os novos xefes de servizo de atención primaria nomeados son as doutoras Carmen Durán no servizo de Lavadores, Rosa Piñeiro en Casco Vello, María Pilar Moix en Beiramar e María Raquel Plana en Ponteareas; e os doutores José A. González en A Cañiza e Fernando Lago en Sárdoma. Así mesmo, declarouse deserto o posto de Moaña.
Os novos nomeamentos se enmarcan no proceso de resolución dos procedementos para renovar as xefaturas de servizo vacantes nos centros de saúde da área sanitaria. Nos próximos días vaise seguir avanzando na resolución deste proceso de xeito que a finais do ano estean todas as xefaturas cubertas.
A Xerencia quere agradecer especialmente a determinación con que estes profesionais asumen as súas respectivas xefaturas, e o seu compromiso coa mellora de atención primaria.