A través do programa Vigoemprende, póñese a disposición do sector un servizo de asesoramento e xestión gratuíto para que poidan acceder aos apoios
O goberno local de Vigo ofrece á hostalería asesoramento para a solicitude de axudas públicas.
Abel Caballero deu conta desta iniciativa do seu goberno hoxe en rolda de prensa, adiantando que o comunicará tamén ao sector estes días.
A hostalería de Vigo poderá contar co asesoramento e apoio do programa municipal Vigoemprende para realizar as solicitudes de axudas do programa estatal. O Ministerio de Industria, Comercio e Turismo vén de aprobar un paquete de medidas de 4.220 millóns no que se contemplan diferentes posibilidades para axudar a paliar as consecuencias da pandemia no sector: a rebaixa de alugueiros, aprazamento de pagamentos, axudas do ICO.
O servizo de asesoramento que ofrece o Concello para pemes e emprendedores é totalmente gratuíto e pode realizarse tanto de xeito presencial como telemático.