O Concello de Vigo acometerá a rehabilitación das portas de acceso ao monte do Castro, segundo anunciou o alcalde este xoves 20 de novembro de 2025. A actuación contará cun investimento de 40.000 euros para reparar o deterioro provocado polo paso do tempo e as condicións meteorolóxicas.
O rexedor afirmou que “queremos que a fortaleza, as murallas, as portas e todas as instalacións estean en perfecto estado”. Segundo explicou, os traballos realizaranse in situ e incluirán a consolidación ou substitución de aperturas e enxertos de madeira co obxectivo de eliminar as zonas danadas, ademais de aplicar unha nova protección contra xilófagos.
“Mantemos o Castro de xeito permanente”, concluíu o alcalde.