Marea de Vigo formulou hoxe na comisión de facenda que evaluou as 12 alegacións presentadas por colectivos veciñais, asociativos e persoas a título individual ao proxecto de orzamentos para o ano 2023, un voto particular rexeitando a negativa do goberno local a tomar en conta as mesmas
O voceiro do Grupo Municipal da Marea de Vigo, Rubén Pérez, considera “completamente encaixables e evidentes na súa formulación” as 12 alegacións cidadás que recibiu o proxecto de orzamentos para o Concello de Vigo para o 2023. “Solicitar programas de asfaltado ou mellora en barrios, actualizar subvencións nominativas ante o incremento de prezos dos subministros máis básicos ou empregar recursos en integración das persoas con discapacidade é perfectamente asumible nun orzamento que vai finalmente superar os 300 millóns de euros e que previsiblemente terá, como os anteriores, unha execución incompleta”.
Marea de Vigo, que denuncia que o Orzamento non estivo exposto durante este periodo no portal de transparencia, considera que o rexeitamente das propostas cidadás amosa o que o noso grupo verbalizara no pleno de aprobación que “estamos ante un orzamentario con clara continuidade e que configura un uso dos recursos económicos do concello coma se nesta cidade non acontecese nada distinto aos anos anteriores, coma se a inflación galopante nos prezos dos consumos máis básicos das familias, dos prezos e accesibilidade da vivenda ou mesmo as necesidades de que o Concello se configure como un auténtico prestador de servizos sociais integrais non estivesen a ser unha realidade palpable pola cidadanía».
Rubén Pérez considera que “por desgraza o goberno local ignora a madurez política da sociedade viguesa e decide que o proxecto orzamentario non só non teña un capítulo participativo previo á elaboración do mesmo, senón que de xeito chamativo ignora moitas das sucesivas reclamacións de diversos colectivos veciñais e sociais de liñas de axudas e proxectos que axuden ao proceso de reconstrucción económica e loita contra o impacto que a crise da COVID-19 e a escalada de prezos provocada pola guerra de Ucrania ten en Vigo e que foron trasladadas públicamente e por rexistro ao goberno local». Non habilitando ese mecanismo previo, as fórmulas como ORZAMENTOS PARTICIPATIVOS que Marea de Vigo reclamou en todos e cada un dos exercicios orzamentarios desta e da anterior lexislatura «pedíamos un programa piloto dos mesmos para darlle uso a unha partida non inferior a 2 millóns de euros tampouco constitúen unha senda de traballo para este goberno local».