O programa estrela da Deputación de Pontevedra ofertará 11 quendas entre xuño e setembro para menores nados entre 2013 e 2018
La Deputación de Pontevedra destinará 450.000 euros ao Campamento A Lanzada 2026, unha das súas iniciativas de conciliación e lecer educativo máis consolidadas. O programa permitirá que 1.540 nenas e nenos da provincia participen este verán nunha ampla oferta de actividades de ocio, deporte e convivencia nunha contorna natural privilexiada.
O presidente provincial, Luis López, destacou que se trata dun dos programas estrela da institución, cunha proposta que combina aprendizaxe, tempo libre e igualdade de oportunidades. As prazas distribuiranse en 11 quendas de sete días, entre o 21 de xuño e o 5 de setembro, pendentes unicamente do inicio do curso escolar 2026/2027.
Do total de prazas, 1.330 corresponderán ao procedemento xeral, cun custo de 110 euros por participante —reducido a 80 euros para familias numerosas ou monoparentais—, mentres que 210 estarán reservadas a menores en situación ou risco de exclusión social, financiadas ao 100 % pola Deputación. O prazo de solicitude abrirase do 2 ao 20 de marzo.