Diagnosticados 106 casos positivos nos cribados poboacionais realizados no mes de febreiro

No que vai de mes foron citadas máis de 56.000 persoas asintomáticas para realizarse unha proba diagnóstica, cun 62,7% de participación

Mañá repetirase o cribado ás poboacións de Cangas e Moaña; un equipo de  profesionais sanitarios desprazarase ao Pavillón de Rodeira para realizar as probas PCR

O obxectivo é identificar ao maior número de persoas que estean infectadas pero non presenten clínica, xa que supoñen un gran risco para a saúde pública

No que vai de mes, a Xunta de Galicia leva citados a participar nos cribados poboacionais a un total de 56.534 persoas de distintos Concellos e centros educativos da Área Sanitaria de Vigo. O índice de participación foi do 62,7%; isto é, finalmente decidiron realizarse as probas diagnosticas 35.455 persoas. Destas,  detectáronse 106  casos positivos.

A Área sanitaria de Vigo agradece a participación voluntaria desta poboación colaboradora, que fixo posible diagnosticar esa centear de persoas positivas; isto  indica que se identificaron 106 brotes potenciais, que se puideron controlar e cortar para frear a transmisión do virus, e que nestes estadíos asintomáticos non se houberan detectado de ningún xeito.

Ademais do cribado masivo á poboación do Concello de Vigo realizado no IFEVI – no que se convocou a 34.252 persoas, cunha participación do 61% e 24 casos positivos- ,  tamén efectuáronse neste mes cribados a outros Concellos da Área viguesa. Neles   foron citadas 22.282 persoas, participaron 14.485 (un 65%) e diagnosticáronse 82 casos positivos. Desagregados por Concellos e centros de ensinanza quedaría da seguinte maneira:

-Concello de Porriño: 7.000 persoas citadas no IFEVI, acudiron 4.388 (un 62,7%) e diagnosticáronse 23 positivos

-Concello de Salceda de Caselas: 3.000 persoas citadas, acudiron 2.084 (un 69,4%) e diagnosticáronse 5 positivos

-Concello de As Neves: 1.669 persoas citadas, acudiron 1.100 (un 65,9%) e diagnosticáronse 3 positivos

-Concello de Redondela: 3.000 persoas citadas, acudiron 1.929 (un 64,3%) e diagnosticáronse  15 positivos

-Chapela (Redondela): 3.000 persoas citadas, acudiron 1.909 (un 63,6%) e diagnosticáronse  9 positivos

-Concello de Mondariz: 1.811 persoas citadas, acudiron 1.191 (un 65,7%) e diagnosticáronse 8 positivos

-Concello de Mondariz Balneario: 380 persoas citadas, acudiron 236 (un 62.1%) e diagnosticáronse 4 positivos

CPR Apostol Santiago (Vigo): 356 persoas convocadas, acudiron 338 (un 95,6%) e non diagnosticouse ningún positivo

-CPI Mondariz: 382 persoas convocadas, acudiron 262 (un 65,5%) e diagnosticouse 1 positivo

Instituto Politécnico de Vigo: 1.684 persoas convocadas, acudiron 1.048 (un 62,2%) e diagnosticáronse 14 positivos

4.000 citados de Cangas e Moaña

A Xunta de Galicia continúa coa estratexia de desenvolver cribados masivos á poboación para identificar ao maior número de persoas que estean infectadas pero non presenten clínica, xa que supoñen un gran risco para a saúde pública. De feito, en algúns Concellos nos que xa se fixeran cribados, estanse agora realizando unha segunda volta. Mañá mesmo repetirase o cribado á poboación dos Concellos de Cangas e Moaña. Así, están sendo citadas 4.000 persoas (2.500 de Cangas e 1.500 de Moaña) no Pavillón de Rodeira, ata onde achegaranse os equipos de profesionais sanitarios para realizar a aquelas persoas citadas que voluntariamente se presenten, unha  proba PCR.