Ecoloxistas en Acción e a plataforma AVIBE (Afectados polo vial de Beade) alertan da situación e sospeitan dun vertido de orixe industrial pola gran profusión de espuma e o cheiro sulfuroso
Ecoloxistas en Acción e AVIBE de Beade alertan dun novo vertido no río Eifonso de procedencia industrial con toda probabilidad polo seu alto contido en xofre.
Denuncian que os últimos tempos veñen producíndose continuos vertidos a este río sen que as administracións actúen para investigar as súas causas.
As organizacións denunciantes subliñan que o río Eifonso é o segundo ecosistema fluvial máis importante de Vigo e debería ser protexido con algo máis de celo por parte das administracións competentes.