«Non hai compromiso coa saída sur para o AVE Vigo-Oporto, como o que ten o Goberno de Portugal», apunta, e engade que seguen sen concretar a autovía A-55 para unir Vigo e O Porriño, nin a reforma da Avenida de Madrid, nin co soterramento da VG-20, ou o vial de entrada ao Porto de Bouzas por estrada
A número 1 ao Congreso, Ana Pastor, interviu esta nun encontro organizado pola Confederación de Empresarios de Pontevedra onde reprochou aos socialistas que a lista de incumprimentos do Goberno de Pedro Sánchez coa cidade de Vigo e con Galicia é interminable, comezando porque «non hai compromiso coa saída sur para o AVE Vigo-Oporto, como o que ten o Goberno de Portugal».
A isto súmase, expuso, que «non hai planificación para o Corredor Atlántico, para o que vimos reclamando investimentos, oportunidades e prazos concretos». «A falta de compromiso é total e esa pasividade afecta ao desenvolvemento da economía», incidiu.
Outro dos incumprimentos, engadiu Pastor, «é que continúan sen chegar os trens Avril que xa deberían ter facilitado a alta velocidade a Vigo».
Recordou tamén que durante o Goberno do Partido Popular apostaron pola extensión da LAV Madrid-Galicia ata Vigo por Cerdedo e incluíuse unha dotación orzamentaria para o proxecto en 2016: «Pero o Goberno socialista non fixo nada».
Ademais, engadiu que seguen sen concretar a autovía A-55 para unir Vigo e O Porriño, nin a reforma da Avenida de Madrid, nin co soterramento da VG-20, ou o vial de entrada ao Porto de Bouzas por estrada… «Resulta dramático o abandono do sector industrial por parte do Goberno socialista: dos 42.000 millóns de euros que recibiu España para a industria, o Goberno apenas asignou o 21%», apuntou.
Con respecto á Lei do litoral de Galicia, lamentou a oposición do PSOE e do BNG que, ademais, «apoiaron actuacións que supoñen un prexuízo para Galicia como a Lei do cambio climático, que é a espada de Damocles para as conserveiras e todo o sector-mar industria».
Durante a súa intervención, criticou que o sector da automoción, tan importante para a cidade, «nunca estivo na axenda do Goberno de Sánchez». Así, dixo que «a automoción desta cidade só pide ter a oportunidade de competir en igualdade de condicións co resto de Europa e co resto de España», e recordou que mentres xa se concederon axudas directas para a automoción en Cataluña e Valencia, «en Galicia continúan esperando polos fondos europeos».
«Tampouco hai forma de que avance o proxecto da subestación de alta tensión prometido polo Goberno. É unha dotación básica, que Vigo é a última gran cidade en recibir, e de cuxa instalación depende o futuro da automoción viguesa», continuou.
E con respecto ao sector naval, «un sector estratéxico para a cidade», sinalou que «o Goberno non contou nin coa industria nin coa xunta para o Perte, e a asignación orzamentaria é insuficiente para os retos que afronta o sector».