A delegada da Xunta visita aos usuarios que participan nas actividades do centro sociocomunitario de Redondela

A delegada territorial da Xunta de Galicia en Vigo, Ana Ortiz, visitou este mércores aos usuarios que participan nas actividades organizadas polo Centro Sociocomunitario de Redondela, un dos centros que o Goberno galego xestiona. O programa de actividades converten estas instalacións no epicentro de ocio do centro da vila e inclúe obradoiros temáticos, charlas, clases de ximnasia, de informática, manualidades, pintura, teatro, poesía ou baile.