Máis de 30.000 persoas participaron hoxe en Galicia nas concentracións pola igualdade dos españois: máis de 10.000 na Coruña, máis de 10.000 en Pontevedra, máis de 4.000 en Lugo e máis de 4.000 en Ourense.
O presidente do PPdeG, Alfonso Rueda, participou esta mañá en Pontevedra na concentración pola igualdade dos españois que tivo lugar na Praza da Peregrina. Outras concentracións de xeito simultáneo se levaron a cabo nos Xardíns de Méndez Núñez da Coruña —na que estiveron presentes o vicesecretario nacional de Organización do PP, Miguel Tellado, e a secretaria xeral do PPdeG, Paula Prado—, na Subdelegación do Goberno en Lugo e na Explanada do Auditorio Municipal de Ourense.
