Baixo o lema “Procura a revolta!” o festival agochará entradas nos parques e zonas históricas das principais cidades galegas
O festival A Revolta do Umia inicia hoxe luns unha campaña para celebrar o seu sexto aniversario escondendo varias entradas con premio (dende entradas gratis a descontos do 50%). Para atopalos, o festival publicará nas súas redes sociais varias pistas cada día. A
idea é que a iniciativa dure unha semana, pero dependerá da destreza e rapidez coa que as atopen as persoas que saian á súa caza. As entradas esconderanse en Vigo, Ourense, Pontevedra, Santiago de Compostela, A Estrada e, por suposto, Cuntis (a vila máis próxima a Vilar de Mato, onde ten lugar o festival).
O festival A Revolta do Umia é un festival musical e cultural que ten lugar os días 25 e 26 de Agosto de 2023 en Vilar de Mato (Cuntis). Nesta edición contan cunha cata de viños sonora amenizada por Loita Amada. Concertos de Bellvitge, Pants Off, Solar Corona, Fillas de Casandra, Aphonnic, Ícaro, Xaby dj, Igloo, Eladio y los seres queridos, Mundo Prestigio, Dharmacide, Dani, Copa turbo, Gator the alligator, Ortiga, Monoulious Dop e a Duendeneta.