A causa da decisión administrativa que prorroga o contrato da campaña do pasado Nadal, estase vendo como xa está avanzada a instalación dos elementos que van formar parte do mercado de Nadal na Praza de Compostela, que será sucedida pola instalación da noria e demáis atraccións.
Rubén Pérez, voceiro do Grupo municipal da Marea de Vigo, lembra que “o informe técnico que acompaña a esta prórroga de contrato esixe que exista unha medición acústica e una avaliación do devandito impacto acústico das actividades que se van facer no espazo”, actividades acaban durando practicamente catro meses, “mais ese documento semella que aínda non existe a pesar do avanzado das obras de instalación” engade Pérez.
Marea de Vigo solicitou copia do devandito informe, incluíndo o mapa de ruídos, xa que esixe que “se cumpra o dereito da veciñanza ao descanso así como a totalidade da normativa vixente sobre impacto acústico”. O Grupo entende ademais que “isto debe facerse con carácter previo á instalación, xa que no caso de ser necesaria algún tipo de modificación, ten que ser dacordo ao documento técnico” engade o voceiro.
Alén do mapa de ruidos, Marea de Vigo solicita un Plan de Prevención “que evite que durante aproximadamente catro meses moitas veciñas e veciños da contorna da Praza de Compostela e Rosalía de Castro sofran as consecuencias do gran desplegue de instalacións lúdicas co gallo do Nadal” conclúe Rubén Pérez.